Reşandina dermanên kelmêşan li Şehbayê dest pê kir

Şaredariya Gel a Kantona Şehbayê dest bi reşandina dermanên kelmêş û pêşiyan kir. Her wiha nêzî 2 hezar rewşên nexweşiya laşmanyayê li kantonê hatin tespîtkirin.

Bi hatina werza biharê û germahiyê re li kantona Şehbayê kelmêşên bizirar zêde dibin. Di encamê de nexweşiya laşmanya anku “heba Helebê” derdikeve. Heta niha li kantobê 2 hezar kes û jê zarokên kêmî 15 saliyê pê ketine.

Li gorî serjimariya ku Heyva Sor a Kurd li Mezarîh Helîsa 90, Helîsa 180, Til Şiîr 410, Til Rifatê 25, Ehrezê 75, Kampa Berxwedan 100, Kampa Serdemê 45, Fafînê 310, navenda navçeya Fafînê 750 û Şêrawa jî 15 rewşên laşmanyayê hene.

Karkerên ku hatine erkdarkirin, rojê 250 lître dermanên kelmêşan bi alavên piştê û traktoran li nava dar, kolan û kampan direşînin.

Di vê derbarê de endamê rêveber ê Desteya Şaredariyan a Herêma Efrînê Mihemed Elo bang li rêxistinên navdewletî û mirovî kir ku dermanên baş pêşkêş bikin, ji ber ku yên heyî zêde bi kêrî tunekirina kelmêşan nayên.

(fr)

ANHA


Mijarên Din