Êrîşên Tirk welat dirûxîne, şênî jî li ser rêkeftinan bi guman in

Li her cihekî di herêmên sînorê di navbera Bakur û Rojhilatê Sûriyê û Tirkiyê de, taybet li herêmên rastî êrîşên dewleta Tirk hatine de rûxandin heye. Tevî ku mal jî hatine rûxandin, şêniyên wan herêman dixwazin vegerin û malên xwe tamîr bikin. Lê dibêjin ji kiryar û komkujiyên çeteyên dagirkeriyê bi tirsin. Şênî dibêjin ew li ser rêkeftinên navdewletî yên têkildarî Bakur û Rojhilatê Sûriyê, ne rihetiyê dikşînin.

Ji 9`ê Cotmeha derbasbûyî ve, artêşa Tirk a dagirker bi hevkariya çeteyên wê yên Cebhet El-Nusre û DAIŞ`ê, êrîş Herêmên Bakur û Rojhilatê Sûriyê dikin. Têde piraniya bajar û bajarokan hatin hedefgirtin. Heta niha li gor serjimartina dawî ya Heyva Sor a Kurd, 235 sivîl bûne qurban 22 zarok dinav de û 677 din jî birîndar bûn.

Li gundên ku rastî êrîşên dewleta Tirk hatine, rûxandin û xirabûna ku li pêş çavên şêniyên wan gundan naçin, belav bûye. 

Şûna wan êrîşan, hovîtiya dagirkeriya dewleta Tirk li ser Herêmên Bakur û Rojhilatê Sûriyê nîşan dibin. Malên şewitî, rûxandî, li her derê parçeyên topan balav bûye û di dîwar û malên sivîlan de cî girtine. 

Li gundê Xerza ya 200 m ji aliyê başûr ve dûrî sînore û ser bi navçeya Amudê ya 24Km dikeve rojavayê bajarê Qamişlo, kalemêrê di heftê saliya xwe de Omer Yûsf Hedo hebû.. xaniyê xwe yê rastî topa artêşa Tirk a dagirker hetiye, tamîr dikir. 

Kalê Hido ku ji ber hovîtiya êrîşên dagirkeriyê gazin dikirin, ji nûçegihanê ajansa me ANHA`yê re wiha got:``Xweda alîkarê me be, binêre her derê rûxandin û xirabeye, şûna topên topavêj û hawinan in.`` destnîşanî Erdogan kir û got``Xweda jê ne razî be``. 

Hido di çarçoveya mala xwe ya hatiye rûxandin de, bi pêşhatên siyasî yên bi pêşkeftinên li ser erdê rûdidin re mijûle û li ser niyetên hêzên nevdewletî bi şik û gûmane dibêje`` Heta niha em derbarê wan rêkeftinan de ne rihetin. Ji 8 salan ve dewletên mezin sozan didin gelê Sûriyê, lê heta niha tiştek tune ye û êrîşên li ser herêmê berdewam in, mala gel hate rûxandin, milk hate talankirin û hîna ji bilî gotinan me tiştek ji civaka navdewletî nedîtiye.``

Welatiyê bi navê Ebdulxenî Hecî Hemîd ê ji heman gundî, gazinên xwe bi yên Hido re parve dike û ew jî li hemberî cidiyeta helwesta navdewletî bi şik û gumane, wiha got:`` Berî her tiştekî em wek berê aramiyê û ewlehiyê didxwazin, heta niha me tu tiştek ji wan rêkeftinan nedîtiye, wek hûn dibînin topek li banê mala ketiye û ji ber wê ewqas mala min hatiye rûxandin. Em dixwazin hêzên nevdewletî parastina sînor bikin û nehêlin derbaskirin û binpêkirin rû bidin.`` 

Wek gundên din ên bûna armanca artêşa dewleta Tirk a dagirker, gundê Bohêra ya 400m dikeve başûrê sînorê Sûriyê û Tirkiyê û li rojavayê navçeya Amûdê ye, ji topbarana dewleta Tirk xilsa nebûye û çeprast rastî topên topavêjan hatiye û di encamê de ziyanên madî mezin bi mal û cihên niştecîbûnê kirine.

Ji ciwanên gundê Bohêra Şemas Îsa jî ev tişt anîn ziman:`` Armanca Tirkiyê ne avakirina herêma bi ewle ye, lê berovajî wê dixwaze herêmê dagir bike, em ji êrîşên dagirkerî yên Tirk li ser herêmê bi tirs û bi fikarin, çeteyên li gel artêşa Tirk didizin, talan dikin û dikujin, Hêzên Sûriya Demokratîk niha ji herêmê vekişîne, li wan deran dewriyeyên Rûsya û Amerîka digerin, lê heta niha me ti sûd û fayde ji wê yekê nedîtiye, hîna êrîş li ser xaka me berdewam in!!.``

(rr)

ANHA


Mijarên Din