Rûsya-Tirkiyê li gundên Dirbêsiyê û Zirganê dewriyeya hevpar pêk anîn

Rûsya û Tirkiyê li navçeya Dirbêsiyê û gundên Zirganê dewriyeyek hevpar pêk anîn.

Piştî civîna di navbera efserên Rûs û Tirk ku derdora 2 saetan dewam kir, dewriyeya hevbeş a herdu aliyan ji gundê Şêrkê yê 13 km dikeve rojavayê navçeya Dirbêsiyê ya kantona Hesekê destpê kir.

Dewriyeya hevbeş ber bi gundên başûr û rojhilatê navçeyê ve çû, ta gundê Kesra yê girêdayî navçeya Zirganê û li nuqteyên xwe yên li gundê Şêrkê vegeriya.

Piştî du saetan ji meşandina dewriyeyê panzêrên artêşa Tirk a dagirker derbasî Tirkiyê bûn.

ANHA


Mijarên Din