RT: Dewriyeya Rûsya-Tirkiyê li ser rêya M4 bi rê ve çû

Russia Today ragihand ku îro polîsên Rûsyayê û leşkerên dewleta Tirk li ser rêya M4 dewriyeyek hevbeş bi rê ve bir.

Russia Today (RT)ragihand ku dewriye ji bajarokê Tirnibê yê ku çend kîlomtreyan dûrî bajarê Seraqibê ye, dest pê kir û tê payîn ku ber bi bajarokê Eyn Hewer ve jî biçe.

RT diyar kir ku dewriyeya rûsî ji endamên polîsên leşkerî û çend panzêran pêk tê, di heman demê de ji aliyê navenda koordînasyona Rûsî-Tirkî ve ya ku bi armanca çavdêriya hevpeymana agirbesta ldilibê hatiye avakirin, tê birêxistinkirin. Rûsya û dewleta Tirk di çarçoveya pêkanîna hevpeymana agirbestê de tev digerin.

Der barê rewşa Idlibê de serokê Rûsyayê Vladimîr Pûtîn û hempîşeyê wî yê Tirk Recep Tayyîp Erdogan di 5’ê Adarê de hevpeymana agirbestê û avakirina "korîdora ewle" li rûberên diyar ên li ser rêya M4 ragihand.

Ev ne cara yekemîn e ku hevpeymanên wiha têne îmzekirin, lê Rûsya û Tirkiye berî niha gelek caran hevpeyman îmze kirine û hatine binpêkirin.

(eh)


Mijarên Din