Rêveberiya DYA`yê cara yekê plan dike ku wêneyê jinekê deyne ser kaxeza 20 dolarî

Cara yekmîn di dîroka Amerîkayê de, rêveberiya Amerîkayê bi serokatiya Jeo Biden plan dike ku wêneyê çalakvaneke ku bi eslê xwe ji afrîkî û li dijî koletiyê têkoşîne kiriye, deyne ser kaxeza pereyên 20 dolarî.

DYA di serdema serok Calvin Coolidge de sala 1928`an pereyên 20 dolarî guhertin, wêneyê serokê berê Grover Cleveland ji ser pereyên 20 dolarî rakir û li şûna wê wêneyên serokê 7`emîn ê welêt û damezirênerê Partiya Demokratîk Andrew Jackson danî ser, ku navê wî bi koletiyê ve hatibû girêdan.

Di demên dawîn de, şêweyê pereyên 20 dolarî dîsa ket rojevê. Rêveberiya serokê Amerîkayê Jeo Biden plan dike ku wêneyên Andrew Jackson ji ser pereyên 20 dolarî rake û li şûna wê wêneyê çalakvana esil afrîkî Harriet Tubman deyne.

Bi vê yekê, di dîroka Amerîkayê de dê cara yekemîn be ku wêneyê jinekê li ser pereyan tê danîn.

(cx)


Mijarên Din