Rêveberiya Xweser a Bakur û Rojhilatê Sûriyê sersaxî ji gel û hikumeta Lubnanê re xwest

Rêveberiya Xweser a Bakur û Rojhilatê Sûriyê bi daxuyaniyekê sersaxî ji gel û hikumeta Lubnanê re xwest û hêvî kir ku ewlehî careke din serwer be.

Duh sêşemê du teqînên mezin li benderên Beyrûtê rû dan. Li gorî daneyan di endamê de zêdetirî 100 kesî jiyana xwe ji dest da û derdora 4 hezar kes birîndar bûn.

Têkildarî mijarê, Rêveberiya Xweser a Bakur û Rojhilatê Sûriyê bi daxuyaniyekê sersaxî ji dewleta Lubnanê re xwest.

Rêveberiya Xweser di daxuyaniya xwe de diyar kir ku ew ji ber teqînê xemgîn e û got ev teqîn di dema ku Koronavîrus bi awayekî mezin belav dibe û li gel ku hikumeta Lubnanê û gelê xwe hewl didin ewlehiyê pêk bînin, pêk hat.

Rêveberiya Xweser di dawiya daxuyaniya xwe de got:"Em piştgiriya xwe bi gelê Lubnanê re di nav şert û mercên dijwar de diyar dikin û sersaxî ji malbatên qurbaniyan re xwest. Em hêvî dikin ku Lubnan vê pêvajoyê derbas bike û ewlehî careke din li welêt serwer be.

(şx)


Mijarên Din