Rêveberiya Xweser cejna Remezanê pîroz kir

Rêveberiya Xweser a Bakur û Rojhilatê Sûriyê cejna Remezanê li tevahî gelên Sûriyê û civaka îslamî pîroz kir û ragihand ku sibe anku roja Çarşemê yekemîn roja cejnê ye.

Meclisa Rêveber a Rêveberiya Xweser a Bakur û Rojhilatê Sûriyê der barê roja yekemîn a cejna Remezanê du 2 daxuyaniyên cuda dan.

Di daxuyaniya yekemîn de wiha hat gotin: "Em cejna Remezanê li tevahî gelên Sûriyê û civaka îslamî û tevahî malbatên şehîdan pîroz dikin. Em hêvîdar in ku gelê me  li Sûriyê bi aramî, ewlehî û aştî cejna xwe pîroz bike."

Di daxuyaniya duyemîn jî de rêveberiyê ji hemû saziyên xwe re kire betlaneya fermî û got: "Hemû saziyên girêdayî Rêveberiya Xweser a Bakur û Rojhilatê Sûriyê roja çarşemê 5`ê Gulana 2019`an û heta roja pênşemê 6`ê Gulana 2019`an bi boneya cejna Remezanê ji bilî saziyên ku xebatên wan domdar in, dikin betlane."

Hêjayî bibîrxistinê ye ku li welatên îslamî îro roja sêşemê yekemîn roja cejna Remezanê ye.

(bx)


Mijarên Din