Rêveberiya Xweser: Daxuyaniya Trump rê li pêşiya qirkirina etnîkî vedike

Rêveberiya Xweser got, artêşa Tirk a dagirker û çeteyên wê lihevkirina agirbestê neanî cih. Her wiha hişyarî ji qirkirina nijadî li herêmên ku artêşa Tirk a dagirker dagir kirine, da.

Daxuyanî wiha ye:

Di sê rojên agirbestê de ya di navbera Hêzên Sûriye Demokratîk û dewleta Tirk de bi navbeynkariya Amerîkayê êrîşên dewleta Tirk a dagirker li ser hêzên me ranewestî. 25 şervan şehîd bûn û 17 din jî birîndar bûn. Tevî wê ji hovantirîn komkujiyan der heqê sivîlan de li bajarê Serêkaniyê pêk anîn. Di encama topbaran hovane de di dema agirbestê de 17 kes şehîd bûn. Her wiha bi dehan cenazeyên şehîdan di bin enqazan de hatin eşkere kirin. Tevî wê jî di encama bi karanîna çekên qedexekirî de mîna fosforê spî gelek rewşên şewatê di nav bajêr de hene.

Artêşa Tirk a dagirker binpêkirina agirbestê didomîne û hewl dide hêzên xwe yên leşkerî derbasî bajêr bike.

Li herêmên ku artêşa Tirk a dagirker derbasî bûye sûcên infazkirina sivîlan tevî revandin, şantajkirin û talakirinê pêk tîne.

Diyar e ku bûyerên li Efrînê rû didin li herêmê dubare dibin. Ev tişt li ber çavên DYA`yê rû didin tevî ku berpirsa agirbestê ye û hêza misogerkerê her du aliyan e.

Wek Rêveberiya Xweser a Bakur û Rojhilatê Sûriyê wek gel em li hember daxuyaniyên serokê Amerîkayê matmayî dimînin. Serok Trump dibêje agirbest serkeftî derbas dibe û aliyê Tirk bendên wê tîne cih. Lê em teqez dikin ku dewleta Tirk a dagirker lihevkirin binpê dike.

Daxuyaniya dawîn a serokê Amerîkayê Trump a ku kurd li herêmên nû hatine bi cihkirin, rê li pêşiya qirkirina etnîkî ya ku tirk armanc dike, vedike. Ji ber ku sivîlên ji bajarên Serêkaniyê û Girê Spî û gundên wê koçber bûne divê bi dabînên navdewletî vegerin warê xwe û ev herêmê di bin parastina navdewletî de be. Yan jî Tirkiyê dê gelê herêm qir bike. Divê Amerîka li gorî berpirsariyê be.

Em bang li civaka navdewletî dikin ku zextê li aliyê tirk bike ku pêwîste hêzên xwe ji herêmên ku dagir kirine bikşîne. Em bang li civaka navdewletî dikin ku hêzên navneteweyî bişîne ji bo ku sivîlan ji tevahiya cureyên binpêkirinan biparêzin. Ji ber ku dewleta çekên qedexekirî li dijî gelê me bi kar tîne, nikare çavdêriya wê herêmê bike.

Em banga avakirina komîteyek lezgîn dikin ku bikaranîna çekên qedexekirî û sûcên infazkirina sivîlan lêpirsînekê veke

(şx)

ANHA


Mijarên Din