Rêya Elî Firo piştî 7 rojan dikeve xizmetê

Şaredariyên gel ên navçeya rojhilat û rojava yên Qamişlo di zîftkirina Rêya Elî Firo de dewam dikin, tê payîn ku di hefteyeke din bidawî bibe.

Rêya Elî Firo ji rêyên herî girîng e û di navbera Qamişlo û rêya navneteweyî de ye. Şaredariyê navçeyên rojhilat û rojava yên bajarê Qamişlo di 27`ê Tebaxê de dest bi zîftkirina rêya bi dirêjiya 11 km û 400 metre û firehiya 7 metre kir.

Şîrketa Zagros a zîftkirina rêyan ku peyman bi şaredariyan re îmze kiribû, diyar kir ku tê payîn di 7 rojan de zîftkirina rê bi dawî bibe.

Li gorî peymanê, rê bi qalindiya 7 cm bê zîftkirin, tê de 5 hezar û 872 metrekabik zîft bê xerckirin.

Zîftkirina Rêya Elî Firo li ser 2 pêvajoyan pêk hat; di nîvê meha Tîrmehê dest pê kir û xebatkaran kort tijî kirin û di 27`ê Tebaxê de dest bi zîftkirinê kir.

Her du şaredariyan hemû ajokar hişyar kirin ku wê rêyê bi kar neynin heta ku xebata wê bi dawî dibe.

(jo)

ANHA


Mijarên Din

Erdogan dîsa gef xwar