‘Rêya ku berxwedêran nîşan da redkirina zilmê ye’

Axaftvanan di bin konê çalakiyê li bajarê Helebê teqez kirin ku ew ê di piştgiriya xwe bi Leyla Guven û hevalên wê re dewam bikin û diyar kirin ku rêya ku berxwedêran nîşan da redkirina zilmê ye.

Bi sedan endamên Hêzên Ewlekariya Hundirîn û Hêzên Parastina Civakî (HPC) berê xwe dan konê çalakiyê yê di roja 5`an de dewam dike ji bo piştgiriya çalakgerên greva birçîbûnê û daxwaza rakirina tecrîda li ser Rêber Ocalan.

Çalakî bi deqeyeke rêzgirtin dest pê kir, paşê bi navê kongreya Star Nercis Bekir axivî û şênî û endamên Hêzên Ewlekariya Hûndirîn û berxwedêrên ku di çalakiyê de pîroz kir.

Her wiha bi navê Hêzên Ewlekariya Hundirîn Nazliyê Cefer, bi navê Meclisa Malbatên Şehîdan endama rêveberiyê Ayten Reşo, bi navê HPC`ê Mihemed Îbiş axivîn û piştgiriya xwe bi girtiyên di greva birçîbûnê di zindanên Tirkiyê re nîşan dan û diyar kirin ku biryara parlamenter Leyla Guven di grevê de îradeya jinan dijî planên dagirkeriyê îsbat kir.

Piştî pêşandana sînevizyonê, gelek stranên şoreşgerî û helbest hatin gotin.

(jo)

ANHA


Mijarên Din