Salvegera Hevbendî li Helebê hate pîrozkirin

5‘emîn salvegera Hevbendiya Niştimaniya Demokratîk li Helebê hate pîrozkirin.

Pîrozbahî li hola Efrîn a herêma Şiqêf a bajarê Helebê hate lidarxistin. Nûnerên Partiya Pêşerojê ya Sûriyê, Kongreya Star, Partiya Yekitiya Demokratîk, Partiya Netewiya Civakî ya Sûrî, Partiya Demokratîk a Sûriyê, Partiya Yekitiya Demokratîk a Kurd li Sûriyê, Partiya Rûnêsans û Guhertin, endamên saziyên sivîl, Hêzên Asayîşê, endamên komînên taxên Şêxmeqsûd û Eşrefiyê di pîrozbahiyê de amade bûn.

Pîrozbahî di deqeyeke rêzgirtin dest pê kir, piştre koordînatorê giştî yê Hevbendiya Niştimaniya Demokratîk Ehmed Erec bi xêrhatina beşdaran kir û got: "Bi vê munasebetê em soza xwe nû dikin ku em ê li ser xeta û armanca ku hevbendî ji bo wê hatiye avakirin bidomînin heta ku a sûriyeke azad demokratîk pirrengî ava bibe."

Bi navê sazî û partiyên ku beşarî pîrozbahiyê bibûn axaftin hatin kirin. Di axaftinan de salvegera damezirandina hevbendiyê hate pîrozkirin û hate gotin ku hewcedariya Sûriyê bi hemû zarên wî heye ku wê biparêze,  aloziyê bi dawî bike û welatekî azad û demokratk ava bibe."

Piştî axaftinan peymanên pîrozbahiyê yên Eniya Demokratîk a Rizgariya Filistînê, Mala Êzidî, Meclisa Malbatên Şehîdan û Partiyên Jinên Sûriyê ji bo Aştiyê hatin xwendin.

Pîrozbahî bi stran û govendên komên Navenda Çand û Hunerê ya Cemîl Horo bi dawî bû.

ANHA


Mijarên Din