NÛÇEYÊN LEZGÎN! Li Minbicê şer rû dide

Şandeya Fransayê armanca serdana xwe eşkere kir

Serokê Komîteya Têkiliyên Derve ya Parlamentoya Fransayê sedema serdana herêmên Rêveberiya Xweser eşkere kir û da zanîn ku Rêveberiya Xweser bi roleke girîng rabû û divê desteka ji bo QSD’ê dewam bike.

Îro şandeya ji Parlamentoya Fransayê serdana Navenda Rêveberiya Xweser û Meclisa Sûriya Demokratîk (MSD) kir. Şande ji serokê Komîteya Têkiliyên Derve ya Parlamentoya Fransayê Mariel de Sarnes û Demire Le Bon, serokê Beşa Têkiliyên Derve ya Parlamentoya Fransayê  Patric Francesci û nûnerê Rêveberiya Xweser a li Fransayê Xalid Îsa pêk tê.

Di serdanê de, seroka Komîteya Têkiliyên Derve daxuyaniyek da çapemeniyê û armanca serdanên herêmên Bakur û Rojhilatê Sûriyê eşkere kir.

Mariel de Sarnes wiha da zanîn: "Ez hatim vir da ku ji tevan re biawayekî fermî naskirina vê herêmê û heta yên şervanên ku li dijî hovîtiyê û şerê li dijî DAIŞ’ê jî bikim. Fransa li rex Rêveberiya Xweser û Hêzên Sûriye Demokratîk (QSD) di vî şerî de sekinî û dê li rexê bisekine heta jinûveavakirin û aramiyê jî heta ku hêvî di pêşeroj û jinûveavakirinê de ji şêniyên herêmê re bê dayîn."

Mariel de Sarnes wiha dawî lê axaftina xwe anî: "Em li vir in da ku tevahî pêdiviyên ewlehî û aştiyê li herêmê û cîhanê ku parçeyek ji erka me ye, pêk bînin û we jî gelek tişt ji mirovahiyê re pêşkêş kirine."

(fr)

ANHA


Mijarên Din