Şandeyek tenduristiyê serdana kampa Waşûkanî kir

Şandeyek ji Desteya Tenduristiyê bi hevkariya Yekitiya Bijîşakan serdana kompa Waşûkanî kirin da ku rewşa koçberan ji nêz ve bişopînin û pêwîstiyên wan pêşkêş bike.

Şande ji hevserokê Yekitiya Bijîşkan  a Herêma Cizîrê Ehmed Yûsif, hevserokê Yekitiya Bijîşkan  a Qamişlo Mustefa Ebdulkerîm, hevseroka Desteya Tenduristiyê ya herêma Cizîrê Menal Mihemed û hejmarek ji endamên deste û yekitiya bijîşkan, kadroyên tenduristiyê yên nexweşxaneya çavan a bajarê Qamişlo pêk dihat.

Şande di nava kampê de geriya û bi malbatan re pêwîstiyên wan ên tenduristiyê nîqaş kirin. Her wiha serdana navenda Heyva Sor a li kampê kir.

Hevseroka Desteya Tenduristiyê ya Herêma Cizîrê Menal Mihemed ji ANHA‘yê got: "Armanca me ji vê serdanê rewşa şêniyên li kampê bişopînin û pêwîstiyên wan nas bikin da ku peyda bikin. Erka me ye li kêleka koçberan bisekinin bi taybet di vê rewşa hewayî de û rewşa nexweşan binerin."

Menal anî ziman ku wan mijarên girîng bi rêveberiya kampê û Heyva Sor re nîqaş kirine da ku kêmasiyên di kampê de çareser bikin û got:  "Hemû nexweşxane û kilînkên me ji koçberan re vekirîn e, çi koçberên li kampa Waşûkanî û çi kampên din be. Em amade ne xizmetê pêşkêşî kampê bikin."

Menal di dawiya axaftina xwe de bang li rêxistinên mirovî kir ku alîkariyê koçberan bikin.

ANHA


Mijarên Din