Şaneya li bajarê Qamişlo êrîş pêk anî bû hate girtin

Hevserokê Desteya Karûbarên Hundirîn a Herêma Cizîrê Kenan Berekat diyar kir ku şaneya li bajarê Qamişloyê êrîş pêk anîbû hate girtin.

18‘ê Tebaxê êrîşeke bi wesayeteke bombebarkirî li pêşiya dibistana pîşeyî ya li bajarê Qamişlo pêk hat. Di encamê êrîşê de endamê Hêzên Ewlekariya Hundirîn Musbah Mihemed El-Xelef El-Xereba şehîd bû û du jî birîndar bûn.

Merasîmê veşartina cenazeyê endamê Hêzên Ewlekariya Hundirîn Musbah Mihemed El-Xelef El-Xereba niha li bajarê Qamişlo bi rêve diçe.

Di merasîmê de Hevserokê Desteya Karûbarên Hundirîn a Herêma Cizîrê Kenan Berekat axivî û diyar kir şaneya ku êrîşî beriya du rojan a li Qamişlo pêk anîbûn a Musbah Mihemed El-Xelef El-Xereba tê de şehîd bû, hate girtin û lêpirsîn bi dawî bû. Berekat anî ziman ku dê şaneyê sewqî Dozgeriya Giştî bikin.

ANHA


Mijarên Din