Şanoya "Jina bi tenê" li Kobanê hate pêşandan

Koma Sarya Baran şanoya xwe ya "Jina bi tenê" li bajarê Kobanê pêşanda.

Koma Sarya Baran a girêdayî Tevgera Kevana Zêrîn a herêma Cizîrê bi hevkariya Tevgera Kevana Zêrîn a bajarê Kobanê şanoya xwe ya "Jina bi tenê" pêşanda. Koma Sarya Baran bi gelek şanoyên xwe beşdarî Mîhrîcana Çaremîn a Mîtan a li kantona Şehbayê dihat lidarxistin, bû, piştî bidawîbûna mîhrîcanê Koma Sarya şanoyên xwe pêşanda.

 Şano, li hola civînan a navneda çand û hunerê ya Kobanê ya Baqî Xido bi amadebûna bi dehan şêniyan hate pêşandan.

Şanoya "Jina bi tenê" balê dikşîne ser zihniyeta baviksalarî ya desthilatdar a ku li dijî jinan, tê meşandin, tundiya bedengî û dirûnî li ser jinan, rêbazên rizgarkirina jin û civakê ji vê zihniyetê.

Tê payîn Koma Sarya Baran şanoyên din li Kobanê pêşkêş bike.

ANHA

 


Mijarên Din