Şaredariya Dêrikê zîftkirina kolanan didomîne

Şaredariya Gel a Dêrikê hindek xebatên xizmetguzariyê ku di plansaziya wan a 2019`an de bûn, ên zîftkirina rêyên şaxî, sereke û rêyên di nava sûkê de di pêngava dawî de pêk anîn.

Werşeyên fenî yên Şaredariya Gel a Dêrikê beriya demsala zivistanê îro dest bi qîrkirina kolana Mişwar kir. Dirêjahiya kolanê 800 û firehiya wê jî 16 metre ye.

Li gorî rêveberên şaredariyê, şaredarî dê zîftkirin û sererastkirina kolanên herêma Dêrikê û navçeyên wê heta ku plansaziya xwe bi dawî bike, berdewam bike.

(bx)

ANHA


Mijarên Din