Şaredariya Gel baxçeyan Reqayê ji nû ve çêdike

Şaredariya Gel a Reqayê dest bi sererastkirina baxçeyên bajêr kir. Piştî ku bajar ji hêla çeteyan ve hatibû dagirkirin, piraniya dar û berên li baxçeyan hatibûn talankirin. 

Ji ber kiryarên çeteyan êdî şêniyên bajarê Reqayê ne wêneyên rengîn û rûberên keskahiyê dîtin, ji ber ku baxçeyên giştî ji aliyê şêniyan ve rastî rakirina daran hatin, da ku pê êgir dadin û xwe ji sermaya dijwar biparêzin, jixwe ev yek jî bi erêkirina çeteyan bû.

Beşa Saziya Ekolojî, Baxçe û Darçandinê ya girêdayî Şaredariya Gel a Reqayê dest bi amadekariyên baxçeyên giştî kir da ku bêparbûna ji keskahiya ku bajêr di nava serdeman de azara wê kişandiye derbas bikin, her wiha pêwîstiyên baxçe û rêyan ji darên xemilandinê, gulên rengîn û rakirina bermahiyan bi cih bînin.

Tê zanîn ku li bajarê Reqayê zêdetirî 16 baxçe hene, ji wan; Îstîqlal, El-Beydaa, El-Mirweriyê, El-Beaca, Cewad Inzûr, El-Reşîd, El-Bistan, El-Celaa, 7 Nîsan, bi dehan ji baxçeyên biçûk hene.

Di vê çarçoveyê de endezyarê çandiniyê yê di Beşa Ekolojî û Baxçeyan de dixebite Mîzer Ehmed got: "Me gihayên ziyandar rakirin, dar kezaxtin, gihayên hişk rakirin, satil bo daran amade kirin, dîwar li derdorê baxçeyan hatin avakirin, daniştek danîn û torên kehrebe û kanalîzasyonê amade kirin."

Mîzer Ehmed di dawiya axaftina xwe de got: "Me xebata gelek baxçeyan bi dawî kir, ji van baxçeyan; El-Reşîd, El-Bistan, El-Becaa û Panorama, li milekî din jî gelek rêxistinan ji wan ên rêxistina geşepêdan û pîşesaziyê gelek pêwîstiyên baxçeyan bi cih anîn.”

(eh)

ANHA


Mijarên Din