​​​​​​​Şaredariya Kobanê dest bi projeya çêkirina rêya stasyonê kir

Şaredariya Gel a Kobanê dest bi xebata çêkirina kolana stasyonê ya li navenda bajêr bi kevrên reş kir. Ev kolan jî wek damara sereke ya tevgera bazirganiyê ye.

Di çarçoveya xebatên xizmetguzariyê de, Şaredariya  Gel a Kobanê de dest bi çêkirina rêya stasyonê bi kevrên reş (Intirlok) li şûna Isfelta ku ne guncaw bû, kir. Tevî ku şaredariyê gelek caran rê sererast kiribû jî gelek kort û qelişandin tê de çêbûbû.

Ev kolan yek ji kolanên herî girîng  li bajarê Kobanê ye,  lê ji ber kortên di vê zivistanê de di rê de çêbûbûn şênî û ajokarên erebeyan gelek astengî kişandin.

Karker û alavan bi merheleyan dest bi xebatê kir, merheleya yekemîn rêşkirina rê, paqijkirin û xîzkirina wê bi kevrên spî ye û piştre bi kevrên reş rêya bi dirêjbûna 600 metre û kêmberiya 16 hat sererastkirin.

Şaredariyê 30 kunên ji bo baranê di rê de çêkirin û hewl dide 30’yên dîtir jî çêke da ku di zivistanê de av li ser rê kom nebe.

ANHA


Mijarên Din