Şaredariya Reqayê dest bi dezenfektekirina kolanan kir

Şaredariya Reqayê dest bi hemleya dezenfektekirina kolanên bajêr kir. Her wiha herêmên girêdayî Meclisa Sivîl a Reqayê ji çend rojan ve di karantînayê de ne. 

Piştî Desteya Tenduristiyê ya Bakur û Rojhilatê Sûriyê ragihand ku 3 rewşên Koronavîrusê li Reqayê derketine, Şaredariya Gel dest bi hemleya dezenfektekirinê kir. Her wiha hemû herêmên girêdayî Meclisa Sivîl a Reqayê dê 14 rojan di karantînayê de bin.

Cîgirê hevserokatiya Şaredariya Gel a Reqayê Îbrahîm Reşîd ji ANHA`yê re got hemleya dezenfektekirinê bi hevkariya Komîteya Tenduristiyê ya Reqayê û Desteya Tenduristiyê ya Bakur û Rojhilatê Sûriyê dest pê kir da ku pêşî li belavbûna Koronavîrusê bigirin. Her wiha bang li şêniyan kir ku tedbîrên pêwîst bigirin û xetereya belavbûna vîrusê li herêmê zanibin.

Li gorî Desteya Tenduristiyê ya Bakur û Rojhilatê Sûriyê ku 3 rewşên Koronavîrusê li Reqayê derketin û ji ber wê jî Komîteya Tenduristiyê ya Meclisa Sivîl a Reqayê biryara karantînayê li ser hemû herêmên girêdayî meclisê ferz kir.

(bx)

ANHA


Mijarên Din