Sûcên DAIŞ bûne serpêhatiyên bi êş

Çeteyên DAIŞ‘ê li herêmên ku dagir kiribûn bi navê ola Îsalmê sûcên der mirovî li dijî şêniyan pêk dianîn. Yek ji bûyerên di bîra şêniyan de mane, qetilkirina du hevjînan li Minbicê ye.

Bi nêzîkbûna salvegera 3’emîn a rizgarkirina bajarê Minbicê , şênî kêliyên zulm û sûcên çeteyên DAIŞ‘ê yên li dijî sivîlan bibîr tînin. Ji wan sûcan serpêhatiya kuştina du hevjînan Ebdulwehab û Riwedya ye.

Her du hevjîn Riweyda El-Şehûd û Ebdulwehab El-Ehmed ji bajarê Minbicê ne û kesên ku kiryar û fermanên çeteyên DAIŞ‘ê qebûl nedikirin. Lewra bûne hedefa çeteyan û di dîroka 24‘ê Tîrmeha 2016‘an de bi awayekî hovane hatin kuştin.

Dayika Ebdulwehab El-Ehmed, Munîfa El-Abdullah kêliyên kuştina kurê xwe wiha bibîr tîne: "Dema min dengê fişkan bihîst ez ji mal derketim. Min dît ku çeteyan mal dorpêç kiribûn û di bin gefa kuştinê de ji min xwestin derbasî mal bibim."

Dayika Munîfa destnîaşn kir ku çeteyên DAIŞ‘ê, şênî tewanbar dikirin ku ferman û qanûnên wan pêk nayînin û got: "Çeteyan her şev li malên sivîlan direşandin û ew bi kifrê tewanbar dikirin."

Têkildarî kuştina kur û hevjîna wî, dayika Munîfa wiha got: “Çeteyan bi şev kurê min Ebdulwehab û hevjîna wî revandibûn. Di saetên destpêkê yên siheba de min cenazeyên wan dîtin. Me cesaret nekir ku bipirsin çima hatine kuştin. Ez bi kurê xwe û hevjîna wî serbilind im. Ji ber ku qebûl nekir xwe radestî kiryarên çeteyan bikin. Sûcên çeteyan bandoreke neyinî li me kir, lê bi rizgarkirina bajêr me nefesa azadiyê stand. Em ê mil bi mil bajarê xwe ji nû ve ava bikin."

(bb/bm)

ANHA


Mijarên Din