Şehîd Diyar Amûde li Helebê hate oxirkirin

Şêniyên taxên Şêxmeqsûd û Eşrefiye cenazeyê şervanê YPG`ê Diyar Amûde oxir kir.

Bi sedan şêniyên taxên Şêxmeqsûd û Eşrefiye cenazeyê şervanê YPG`ê Mehmûd Cemîl( Diyar Amûde) ê ku di encama kirîza dil de şehîd ketiye oxir kir.

Şêniyan cenazeyê şehîd li ber nexweşxaneya şehîd Xalid Fecir wergirtin û heta Goristana Şehîdan li herêma Şiqeyf meşiyan.

Li goristanê merasîm bi deqeyek rêzgirtin destpê kir. piştre endamê rêveber ê Meclisa Malbatên Şehîdan Yasir Meimo û endama rêveber a Koordînasyona Kongreya Star Fatme Hesen axivîn û sersaxî ji malbata şehîd re xwest.

Her wiha rola şehîdan û şervanan di rizgarkirina taxên Helebê  de ji çeteyan û pêkanîna azadiyê û wekhefiyê di navbera pêkhateyan de silav kirin.

Paşê endama Meclisa Malbatên Şehîdan Zelîxe Qenber wesîqeya şehata şehîd xwend û radestî malbatê kir.

Di dawiya merasîmê de girseya gel cenazeyê şehîd di nav berzkirina dirûşmeyên dilsoziya bi şehîdan re veşart.

(şx)

ANHA


Mijarên Din