Şehîdê Efrînê Zekeriyê ji aliyê hezaran ve hate veşartin

Cenazeyê şervanê YPG‘ê Zekeriya Silêman (Zekeriya Efrîn) ê 18‘ê Hezîranê di encama qrîza dil de li Helebê şehîd bibû bi merasîmekê girseyî, hate veşartin.

Bi hezaran şêniyên Efrînê YPG‘ê Zekeriya Silêman (Zekeriya Efrîn) ê 18‘ê Hezîranê li Helebê di encama qrîza dil de  şehîd bibû ji nexweşxaneya Avrîn a navçeya Fafînê ya Şehbayê wergirtin û bi kerwanekî ji sedan erbeyan ber bi Goristana Şehîdên Berxwedana Serdemê ve ketin rê.

Li goristanê, merasîm bi deqeya rêzgirtin dest pê kir. Piştre, endamê Meclisa Malbatên Şehîdan a Kantona Efrînê Hesen Silêman û endamê Meclisa Kantona Efrînê Mihemed Naso axivîn.

Kesên axivîn, sersaxî ji malbata şehîda re xwestin û got, xwîn û fedekariyên şehîdan rêya rizgariyê xêz dike.

Piştî axaftinan nasnameya şehîda hate xwendin û radestî malbatê hate kirin.

Girseya gel cenazeyê şehîd Zekeriyê bi dirûşmeyên dilsoziya bi şehîdan re spartin axê.

ANHA


Mijarên Din