Şehîd Piling Mezlûm li Hesekê hate veşartin

Bi merasîmeke girseyî şervanê YPG‘ê Wedî Ebdulqadir (Piling Mezlûm) li goristana Şehîd Dijwar a li gundê Dawidiyê hate veşartin.

Bi sedan şêniyên bajarê Hesek cenazeyê şervanê YPG‘ê Wedî Ebdulqadir (Pilind Mezlûm) ê dema li ser ekra xwe li Hesekê şehîd bibû, ji ber navenda Meclisa Malbatên Şehîdan wergirtin û bi kerwanekê wesayîtan ber bi goristana Şehîd Dijwar a li gundê Dawidiyê ve bi rê ketin.

Merasîm bi deqeyeke rêzgirtin û torana leşkerî ya ji aliyê YPJ û YPG‘ê ve dest pê kir. Paşê endamê Meclisa Malbatên Şehîdan a bajarê Hesekê Bedriya El-Hewala sersaxî ji malbata şehîd re xwest û got: "Şehîdan di oxira azadî û rumeta gelan de canê xwe feda kirin, bi saya wan aştî û jiyana hevbeş li herêmê pêk hat. Li ser vê yekê divê gelê herêmê xwedî li şehîdan derevin û herêmê ji gefan biparêzin."

Bi navê YPG‘ê fermandar Serhildan Rojava jî axivî û ev tişt anî ziman: "Di kesayeta şehîd Wedî de em hemû şehîdan ku bi saya wan serkeftina li dijî DAIŞ‘ê pêk hat bi bîr tinin. Em soz didin şehîdan û malbatên wan ku em ê şopdarên xeta wan bin heta armancên wan pêk werin."

Piştre nasnameya şehîd hate xwendin û radestî malbata wî hate kirin. Cenazeyê şehîd di nava dirûşmeyan de hate veşartin.

ANHA


Mijarên Din