Şehîdê QSD‘ê Botan li Til Temirê bi merasîmekê hate veşartin

Bi sedan şêniyên navçeya Til Temir bi merasîmekê cenazeyê şervanê QSD`ê Botan li gortistana Şehîdan a navçeyê oxir kirin.

Sedan şêniyên navçeya Til Temir a kantona Hesekê şervanê QSD`ê Ehmed Ziyab (Botan) ê di dîroka 16`ê Hezîranê dema bi erka xwe leşkerî radibû, şehîd bû, li goristana şehîdan a navçeyê spartin axê.

Piştî merasîma leşkerî  endamê Meclisa Malbatên Şehîdan Silêman Nûh, bi navê QSD`ê Ziyad Kurdî axivîn û sersaxî ji malbata şehîd re xwestin.

Axaftvanan soza dewamkirina rêya şehîdan heta pêkanîna serkeftinê, dan.

Her wiha birayê şehîd Botan, Bedran Mihemed axivî û serbilindiya xwe bi şehadeta birayê anî ziman û teqez kir ku ew ê heta dawî li ser rêya şehîdan bin.

Piştî axaftinan, endama Kongreya Star Çinar Yûsif nasnameya şehîd xwend û radestî malbata wî kir, paşê di nav têliliyên dayikan, şehîd spartin axê.

(jo)

ANHA


Mijarên Din