Şehîdên meha Tîrmehê li Qamişloyê hatin bibîranîn

Şêniyên bajarê Qamişlo şehîdên meha Tîrmehê bi merasîmekê li Goristana Şehîd Delîl Saroxan a bajarê Qamişlo bi bîr anîn.

Bi sedan şêniyên Qamişlo û malbatên Şehîdan berê xwe dan Goristana Şehîd Delîl Saroxan û tev li merasîma bîranîna 72 şehîdên Tevgera Azadiya Kurdistanê, YPG, YPJ, QSD, Hêzên Ewlekariya Hundirîn û Erka Xweparastinê yên ku di meha Tîrmehê de di cih û demên cuda de şehîd bûne, bûn.

Merasîm bi deqeyek rêzgirtin destpê kir, piştre endamê Meclisa Malbatên Şehîdan Silêman Ehmed axivî û sersaxî ji malbatên şehîdan û gelên herêmê re xwest û got: "Destpêkê em bejna xwe li hember şehîdên me yên leheng ditewînin. Bi saya wan em azad li ser erdê xwe ne. Em soza şopandina rêya wan didin û slogan me `Berxwedan jiyan e`.

Piştre zaroka bi navê Ava Diyar keça şehîd Diyar stranek diyarî giyana bavê xwe û malbatên şehîdan kir.

Di dawiya merasîmê de Meclisa Malbatên Şehîdan wêneyên Rêberê Gelê Kurd Abdullah Ocalan tevî sembola meclisê li malbatên şehîdan belav kirin.

(şx)

ANHA


Mijarên Din