Şerê rev û lêdanê… Rejîmê ji nû ve serweriya Celeme ya stratejîk kir

Di navbera hêzên rejîmê  Sûriyê û komên çete de li bejahiyên Hemayê ya herêmên qaşo bêçek şerê rev û lêdanê berdewam e. Her wiha hêzên Rejîmê ji nû ve serweriyên bajarokê stratejîk Celeme, pêşdeçûna ber bi Til Milih ve û herêmên dîtir piştî çend saetan ku di bin serweriya komên çete de bûn, rangihandin.

Navenda Çavdêriya Mafên Mirovan raber kir ku li derdora bejahiyên bakur rojavayê Hemayê di navber komên çeteyan û hêzên Rejîmê ya bi piştevaniya Rûsyayê de şerên dijwar rû dan.

Navenda Çavdêriyê îşaret pê kir ku hêzên Rejîmê bi alîkariya asîmanî û bejayî karî ji nû ve serweriya bajarokê Celeme bike. Şer niha ber bi sînorên rojhilat ê bajarok ve çûye.

Di navbera komên çete û hêzên Rejîmê de li derdorên Utêre û çiyayê Tirkmen şerê gur rû da.

Rûsya El-Yewm li ser zimanê çavkaniyên leşkerî yên rejîma Sûriyê ragihand ku artêşa Sûriyê karî ji nû ve serweriya Til Milih a bejahiyên Hemayê bike.

Li aliyekî dîtir jî, ajansa SANA’yê ya rejîma Sûriyê li ser pêşdeçûnên li van herêman tu agahî neda, lê tenê aliyê leşkerî wiha da zanîn: "Yekîneyên artêşê çalakiyên xwe li eniyên şer ên terorî li Til Milih, Cibîn, Kefir Zîta, Niqêr û Ernebiyê yên bejahiyên Idlib û Hemayê zêde kirin û di encamê de li gel terorîstan ziyanên madî û leşkerî çêbûn."

Şerê gur di navbera hêzên Rejîmê û komên çete yên li bejahiyên Hemayê rû da. Her wiha komên çete ji bo hewldana serweriya bajarokê Celeme ya stratejîk tevî topbaranên dijwar ên Rejîm û Rûsyayê ji duh heta sibeha îro êrîşeke hovan e, meşand.

(fr)


Mijarên Din