Serkeftina QSD‘ê li Reqayê hate pîrozkirin

Serkeftina QSD‘ê ya li dijî DAIŞ‘ê bi şahiyekê li taxa Meşleb hate pîrozkirin.

Pîrozbahî ji aliyê Rêveberiya Jin a Reqayê ve li pêşiya Meclisa Gel a taxa Meşlebê hat lidarxistin. Bi dehan şêniyên taxê, endamên saziyên sivîl û leşkerî beşdarî pîrozbahiyê bûn.

Şahî bi deqeya rêzgirtin dest pê kir. Paşê endama Rêveberiya Jin a taxa Meşleb Bitûl El-Kejwan û bi navê Meclisa Gel a taxa Meşleb, endamê meclisê Fewaz El-Şêx axivîn. Qisekaran serkeftina QSD‘ê û têkçûna DAIŞ‘ê pîroz kirin û gotin: "Îşqa rast îşqa welat û jiyana azad e, li ser vê yekê divê em têkoşînê mezin bikin ta Sûriyeke azad ava bikin."

Di dawiya şahiyê de govend hatin gerandin.

ANHA


Mijarên Din