Serokkomarê demkî yê Cezayîrê hat hilbijartin

Piştî ku Abdulazîz Boteflîqa îstifa kir, li Cezayîrê Abdulqadir bîn Salih bû serokkomarê demkî yê welêt.

Li Cezayîrê piştî îstifaya serokkomarê berê Abdulazîz Boteflîqa, parlamentoyê serokê Konseya Gel a Parlamentoya Cezayîrê Abdulqadir bîn Salih wek serokkomarê demkî hilbijart. Li gorî destûra Cezayîrê divê Salih di nava 90 rojan de li welat hilbijartinan pêk bîne û serokkomraê demkî nikare ji bo serokkomariyê bibe namzet.

Abdulazîz Boteflîqa (82) ev 4 serdem bû ku li ser desthilatê bû. Piştî ku Boteflîqa ji bo serdema pêncan jî namzetiya xwe eşkere kir, li welat protestoyan dest pê kir û piştî meh û nîvekê Boteflîqa îstifa kir.

Her wiha tê payîn ku li hember Abdulqadir bîn Salih jî gel derkeve qadan û nerazîbûna xwe nîşan bide.   

 

 


Mijarên Din