Sersaxî ji malbata şehîd Mehmûd re hate xwestin

Şêniyên taxên Şêxmeqsûd û Eşrefiye sersaxî ji malbata şehîdê YPG‘ê Mehmûd Cemîl Osman (Diyar Amûde) xwest ê ku di encama kirîza dil de şehîd ketiye.

Mersîma sersaxiyê li pêşiya mala têkoşer Diyar Amûde ya li beşa Rojhilatê taxa Şêxmeqsûd lidar ket. Bi dehan şênî û endamên saziyên sivîl, partiyên siyasî di nav de Partiya Pêşerojê ya Sûriyê, Meclisa Sûriya Demokratîk û Partiya Yekitiya Demokratîk tev li merasîmê bûn.

Konê sersaxiyê bi wêneyên şehîdên Berxwedana Rûmet û Serdemê, alên Meclisa Malbatên Şehîdan, YPG û YPJ`ê hate xemilandin.

Merasîm bi deqeyek rêzgirtin destpê kir. Piştre gelek axaftin bi navên Kongreya Star xeta Şehîd Gelhat û Gulê Selmo, Meclisa Malbatên Şehîdan, Partiya Pêşerojê ya Sûriyê, Meclisa Sûriya Demokratîk, Tevgera Ciwanên Şoreşger a Sûriyê û Kombûna Olan hatin kirin.

Axaftvanan teqez kirin ku şehîdan ji bo jiyana azad, rûmet û welatek ewle canê xwe feda kirin.

Her wiha destnîşan kirin ku tevahiya dewletan bi hinceta çareserkirina aloziya Sûriyê komplo li dijî gelê wê plan dikin. Bi taybet   dewleta Tirk a ku hewl dide demokrasiyê li herêmên Bakur û Rojhilatê Sûriyê têk bibe.

Paş beşdaran sersaxî ji malbata şehîda Diyar Amûde xwestin.

Di dawiya merasîmê de endama Komîteya Perwerdeya Civaka Demokratîk Zîlan Şêxo wesîqeya şehadeta şehîd Diyar xwend û şêniyan dirûşmeyên silavkirina Berxwedana Serdem û Rûmetê û dilsoziya bi şehçdan re  berz kirin.

(şx)

ANHA


Mijarên Din