Sersaxî ji malbata şehîd Serdar hat xwestin

Bi dehan endamên Meclisa Leşkerî ya Tebqayê, endamên sazî û komîteyên sivîl berê xwe dan konê sersaxiyê yê şehîd Serdar ku di Berxwedana Rûmetê de  şehîd bû û sersaxî ji malbata wî re xwestin.

Konê sersaxiyê li gundê Siwêdiyê yê bakurê Tebqayê hatiye vedan. Di bin konê sersaxiyê de Hevserokê Meclisa Malbatên Şehîdan a Tebqayê Abdullkerîm El-Îbrahîm axivî û îşaret bi rola şehîdan di rizgarkirina gelan de kir û got şehîdan ji bo rizgarkirina xaka welatê xwe û jiyana azad û bi rûmet berxwedaniyeke dîrok kirin û di oxira wê de canê xwe feda kir.

Abdullkerîm El-Îbrahîm tekez kir ku ewê heta rizgarkirina xaka Sûriyê ji artêşa Tirk a dagirker, şopdarên rêya şehîdan bin û behsa komkujî, qirkirinên komî û qirkirina etnîk ku ji aliyê artêşa Tirk a dagirker û çeteyên wê ve li Bakur û Rojhilatê Sûriyê pêk tên, kir.

Sersaxî didome.

(bx)

ANHA


Mijarên Din