Şirketa kehrebê ya Minbicê ji bo xizmeta şêniyan bi hemû hêza xwe dixebite

Werşên sererastkirinê di şirketa kehrebê ya Minbicê û gundên wê de ji bo xirabbûnên di kehrebeyê de derdikevin çareser bikin bi hemû hêza xwe dixebitin. Ji rewş û kalîteya kar jî buroya lêkolînê ya di şirketê de rojan e li ser werşan digere.

Şirketa kehrebê ya Minbic û gundên wê li ser kar û xebata sererastkirina şebekên kehrebê, pêkanîna projeyan û dirêjkirina şebekên nû disekine. Da ku kehrebe bigihêje hemû şêniyên bajêr.

Ji projeyên hatin pêkanîn, projeya aş a li avahiya êman. Her wiha  bi çavdêriya endizyar û pîşesazan satsyona veguhestinê hate aktîvkirin. Her wiha danîna tiransan li hin gundên ku tiransên wan xirab bûne, jê gundê Xerîcê rojava piştî ku zêdetirî 4 salan kehrebe li gund qut bibû, gundê Tehbê û Mezrê û El-Fedûs. 7 milyon LS li projeyê çûye.

Her wiha şirketa kehrebê ya Minbic û gundên wê gelek kar û xebatên sererastkirinê li bajêr û gundan dan meşandin. Jê; navenda Şûbê li kolana El-Berîd, navenda Çandiniyê ku ji aliyê buroya fenî ya komîteya Şaredariyê bi hevkariya buroya lêkolîn û pêkanînê hate sererastkirin. Kar di hefteyekê de hate xilaskirin û kehrebe gihaşt navendê. 2 milyon LS lê hat xerçkirin.

Projeya ronîkirina kolana El-Bîrim pêk hat. Her wiha projeya guhertina gelek tiransên xirabbûyî li bajarê Minbic û gundên wê, jê: gundê Ceb El-Neşamê, gundê El-Useclî, gundê El-Nowacê, gundê El-Esediyê ya rojhilat, gundê Um El-Setih û hwd.

Şirketa kehrebê niha projeya guhertina şebekên xetên navîn (emîrên bakur) li kolana Selasîn û El-Rabîte çêdike û dê proje nîvê meha Tîrmehê pêk were.

Hevserokê şirketa kehrebê yê Minbicê Xalid Mihemed tekez kir ku şirket kar û xebatên xwe, ji bo peydakirina kehrebê ji hemû gund û malên li Minbicê û gundan re, didomîne.

(bb/bm)

ANHA


Mijarên Din