Şêniyên Cezaa li dijî êrişên dagirkeran meşiyan

Şêniyên bajarokê Cezaa yê girêdayî navçeya Til Hemîsê bi meşekê destnîşan kirin ku sekinandina li hember berjewendiyên osmaniya kevin – nû, yekitî ye.

Bi dehan şêniyên bajarokê Cezaa yê girêdayî navçeya Til Hemîsê ya kantona Qamişlo ji bo destekdayîna gelê Başûrê Kurdistanê û hêzên parastina wê dikin, her wiha ji bo şermezarkirina êrişên dewleta Tirk li ser Herêmên Parastinê yên Medyayê û Başûrê Kurdistanê, meşek lidar xist.

Meş ji şaredariya gel a bajarokê Cezaa dest pê kir. Di meşê de wêneyên rêber Abdullah Ocalan, pankartên bi nivîsên şermezarkirina dagirkirina osmaniya nû li Bakurê Iraqê, Lîbya û Sûriyê hatin hildan.

Di meşê de dirûşmeyên banga azadiya rêber Ocalan û xurtkirina têkoşînê hatin berzkirin.

Meş li deriyê veguhestinê yê başûrê bajarokê Cezaayê veguhertî mîtîngê. Di mîtîngê de Endamê PYD`ê Mensûr Abdullah axivî û êrişên dewleta Tirk li ser herêmên Bakur û Rojhilatê Sûriyê, Başûrê Kurdistanê û destwerdanên wê ji dewletên ereban re, şermezar kir.

Mensûr Abdullah di axaftina xwe de destnîşan kir ku bi saya berxwedana lehengan li hev kom bûne û tekez kir ku berxwedana Heftenîn di nava rûpelên dîrokê de hate qeydkirin û nifiş bi nifiş dê bi bîr bînin.

Abdullah tekez kir ku sekinandina li hember berjewendiyên osmaniya kevin – nû, yekitî ye û divê dev ji hemû pirsgirêk û nakokiyan werin berdan û derfet nedin tu kesî ku tevlîheviyê di navbera pêkhateyên herêmê de çêbike.

Mîtîng bi dirûşmeyên silavkirina yekitiya gelê Sûrî û azadiya rêber Ocalan bidawî bû.

bx

ANHA


Mijarên Din