Şêniyên Girê Spî gefên dewleta Tirk şermezar kirin

Bi sedan şêniyên Girê Spî li hember sînorê Tirkiye-Sûriyê gefên Tirkiyê yên êrîşkirina li ser herêmên Bakur û Rojhilatê Sûriyê şermezar kirin.

Bertekên li dijî gefên dewleta Tirk ên li ser herêmên Bakur û Rojhilatê Sûriyê û zêdekirina hêzên xwe li ser sînor ji bo êrîşkirina li herêmêî zêde dibin. Bi sedan şêniyên Girê Spî danê nîvro berê xwe da sînorê Tirkiye-Sûriyê û gefên Tirkiyê yên êrîşkirinê şermezar kirin.

Li rexê jî 2 xwepêşandanên mîna vê ku şêniyên kantonên Kobanê û Qamişlo berê xwe da sînor da ku gefên Tirkiyê yên êrîşkirinê red bikin, pêk hatin.

2 kon li taxa Minbetih a li nêzî sînorê Tirkiyê li bajarê Girê Spî ku şênî û bi dehan rêveberên saziyên Rêveberiya Xweser, partiyên siyasî û rûspiyên êlan tê de kom bûn, hatin vedan. Li her du konan pankartên bi nivîsên "Sûriye piralî ye, nenavendî demokratîk e", "Tirkiye... Nazî ye" û " Bajarê Girê Spî modela hevbeş û biratiya gelan e" hatin daliqandin.

Di xwepêşandanê de hevserokê Meclisa Kantona Girê Spî Hemîd El-Ebid wiha axivî: "Hikumeta Erdogan ji dêvla kuştin, talan û dijmantiya cîrantiyê bi bihaneya ewlehiya neteweyî nizane. Ji lew re divê gelên li herêmên Bakur û Rojhilatê Sûriyê hevgirtî bin da ku pêşerojeke ronahî ji nifşên xwe re dabîn bikin."

Endama rêveber a Kongreya Star Dîlan Hesen gefên Tirkiyê û xistina girseya hêzên xwe li ser sînor şermezar kir û got: "Amade ne li hember dagirkeriya Tirkiyê bi yekitî û hevgirtina xwe bisekinin."

Dîlan wiha lê zêde kir: "Jinên Girê Spî bi fikr û ramanên felsefeya rêber Abdullah Ocalan çekdarkirî ne û dê li rex hêzên bisekinin da ku dagirkeriyê têk bibin."

Di heman warî de, bi navê Meclisa Malbatên Şehîdan a Girê Spî Kedîm Îbrahîm wiha diyar kir: "Erdogan gefan li raya giştî ya cîhanî bi bihaneya herêma ewle û ewlehiya neteweyî dixwe. Armanc jê jî dagirkirina herêmên Sûriyê û vegerandina sînaryoya dewleta Osmanî ye. Lê belê em li vir in. Me ji kezebên xwe qurbanî da, ji bo li herêmê bi ewle û aştî jiyan bikin. Heke hewce kir em ê ji bo vê xakê yê ku ciwanên m bi xwîna xwe av daye, bibin qurban û nahêlin Tirkiyê têkeve Girê Spî û Sûriyê."

Xwepêşandan heta demeke nediyar li Girê Spî dê bidome. Çalakî li ser sînor her sibeh dest pê dike û saet di 19:00’an de bi dawî dibe.

(fr)

ANHA


Mijarên Din