Şêniyên Helebê ji bo berxwedana Îmraliyê meşiyan

Bi sedan şêniyên taxên Şêxmeqûsd û Eşrefiyê bi meşekê tecrîda li dijî Rêber Abdullah Ocalan şermezar kir.

Çalakiyên şeremzarkirina tecrîda li dijî Rêber Abdullah Ocalan didomin.

Meclisa Giştî ya taxên Şêxmeqsûd û Eşrefiyê meşek li dar xist û piştgiriya gel ji berxwedana Îmraliyê nîşan da.

Meş ji pêşiya hola civînan a beşê rojavayê taxa Şêxmeqsûd dest pê kir û li kolên herdu taxan geriya. Di meşê de posterên Rêber Abdullah Ocalan, alên TEV-DEM û Kongreya Star hatin hildan.

Meş li parka Îstîqama rawestiya û bi deqeyeke rêzgirtin mîtîngeke dest pê kir.

Ji rêveberên TEV-DEM'ê Sebrî Efrîn û ji rêveberên Kongreya Star Vajîm Mihemed axivîn. Di axaftinan de hate gotin ku gel ji bo azadiya rêberê xwe dê li qadan be û asta têkoşînê bilind bike.

Her wiha hate gotin ku "Berxwedana Îmraliyê fikirê azadî yê li hemberî faşîzm û kapîtalîsta cîhanê temsîl dike. Dem dema bilindkirina asta têkoşînê û piştgiriya berxwedana Îmraliyê ye."

Mîtîng bi dirûşmên silavkirina berxwedana Îmraliyê û banga rakirina tecrîdê bi dawî bû.

ANHA


Mijarên Din