Şêniyên herêma Efrînê ji bo şehîd Diyar Xerîb sersaxî xwestin

Îro bi hezaran şêniyên herêma Efrînê berê xwe dan konê sersaxiyê yê şehîd Diyar Xerîb ku li kampa Berxwedan a navçeya Fafîn a kantona Şehbayê hatiye vedan.

Meclisa Malbatên Şehîdan a Herêma Efrînê ji bo endamê Konseya Serokatiya Giştî ya KCK’ê Diyar Xerîb û hevalên wî Şahîn û Defran ku di encama bombebarana balefirên dagirkeriya Tirkiyê ser çiyayên Qendîlê de, şehîd bibûn 2 konên sersaxiyê, vedan.

Şêniyên herêma Efrînê bi hemû pêkhateyên herikîn bin konê sersaxiyê.

Merasîm bi deqeyeke rêzgirtinê dest pê kir, paşê endamê Meclisa Malbatên Şehîdan Hisên Ehmed û endamê TEV-DEM`ê Zagros Efrîn axivîn û êrîşên dagirkeriya Tirkiyê ên ser Başûrê Kurdistanê û binpêkirinên wê li kantona Efrînê şermezar kirin, her wiha bêdengiya hikumeta Herêma Kurdistanê û hevkariya wê bi dagirkeriya Tirkiyê re şermezar kirin.

Merasîm bi dirûşmeyên "Şehîd Namirin" bidawî bû.

(jo)

ANHA


Mijarên Din