Şêniyên Heyşê û Til Berakê salvegera 16`emîn a damezrandina Kongreya Star pîroz kir

Bi boneya salvegera 16`emîn a damezrandina Kongreya Star, şêniyên bajarokê Heyşê ya girêdayî navçeya Eyn Îsayê û şêniyên navçeya Til Berakê şahiyek li dar xist.

Kongreya Star şaxê bajarokê Heyşê bi boneya salvegera damezrandina xwe, şahiyek bi beşdariya bi sedan şêniyên Heyşê û gundewarên wê yên li kantona Girê Spî li dar xist.

https://www.hawarnews.com/ar/uploads/files/2021/01/16/151617_til-birak-hesa-16-kongra-star4-28329.jpg

Şahî li dibistana rojhilat a li Heyşê li dar ket û bi deqeyeke rêzgirtinê dest pê kir, paşê berdevka Kongreya Star şaxê Girê Spî Xilûd Cedûa salvegera damezrandinê li hemû jinên Bakur û Rojhilatê Sûriyê pîroz kir.

Xilûd piştrast kir ku Kongreya Star di rêxistinkirina jinan û tevlêbûna wan ji qadên siyasî û leşkerî re her wiha rizgariya wan ji hişmendiya mêrên desthilat de roleke erênî lîst.

Di dawiyê de helbestên silavkirina vîna xurt a jinan û stranên gelerî hatin vegotin.

TIL BERAK

Li navçeya Til Berakê jî bi heman armancê  şahiyek li hola Navenda Kongreya Star a navçeyê û bi beşdariya bi dehan kes û endamên saziyên civaka sivîl hate lidarxistin.

Şahî bi rêzgirtinê dest pê kir, piştre endama rêveber a rêveberiya Kongreya Star Gulîstan Gulo axivî û salvegera damezrandina Kongreya Star li  beşdaran û li tevahiya jinên Bakur û Rojhilatê Sûriyê û jinên têkoşer ên banga azadî, adalet û wekheviyê dikin, pîroz kir. Gulîstan  Gulo di dawiya gotina xwe de anî ziman ku Kongreya Star tevgereke rêxistinkirî ya jinan e û jinên li herêmên Bakur û Rojhilatê Sûriyê bi rêxistin dike.

Di dawiya şahiyê de koma Çand û Hûnerê ya Til Berakê stran pêşkêş kirin û govend hate gerandin.

(eh)

ANHA


Mijarên Din