Şêniyên Kobanê cangoriyên meha Tîrmehê bi bîr anîn

Şêniyên kantona Kobanê şehîdên meha Tîrmehê yên di cih û dîrokên cûda li şerê li dijî çeteyên DAIŞ‘ê de şehîd bibûn, bi bîr anîn.

Merasîmê bîranên li goristana Şehîd Dicle ji Meclisa Malbatên Şehîdan a Kantona Kobanê ve hate lidarxistin. Bi sedan şêniyên kantonê di nav de nûnerên Rêveberiya Xweseriya Demokratîk û saziyên sivîl û leşkerî yên kantonê tevlî merasîmê bûm.

Merasîm bi deqeyeke rêzgirtinê dest pê kir. Paşê Cîgirê Hevserokatiya Meclisa Rêveber a Herêma Firatê Mihemed Şahîd axivî û ev got: "Şehîd têgihiştin rastiyê û dan ser şopa wê û di oxira azadiya gelê xwe gihiştin asta şehadetê."

Mihemed Şahîn anî ziman ku"Em di pêvajoyeke hebûn û nebûnê de ne, divê em hebûna xwe îsbat bikin û destkeftiyên ku bi xwîna şehîdan hatin bidestxistin biparêzin û têkoşînê di her qadan de mezin bikin."

 Di dawiya merasîmê de şêniyan li ser gorên şehîdan mûm vêxistin.

ANHA 


Mijarên Din