Şêniyên Minbicê cenazeyê şehîd Besam spartin axê

Cenazeyê şervanê Meclisa Leşkerî ya Minbicê Besam Nimir ê dema bi erka xwe ya leşkerî radibû, şehîd bûbû, li goristina şehîdan hate veşartin.

Îro sedan şêniyên bajarê Minbicê cenazeyê şervanê Meclisa Leşkerî ya Minbic Besam Nimir (Esed Egîdat) ê bi eslê xwe ji bajarê Humisê ji nexweşxaneya Firat wergirtin û bi kerwanekê ber bi goristana şehîdan ketin rê.

Li goristanê deqeyeke rêz hate girtin û ji aliyê şervanan ve merasîmeke leşkerî pêk hat. Paşê bi navê Meclisa Leşkerî ya Minbicê fermandar Ebdilrehman Benawî axivî û wiha got: "Em ser saxiyê ji xwe û malbatên şehîdan re dixwazin."

Benawî got ku ew îro gulekê di parka şehîdan de diçînin, ên ku bi rihê xwe xaka û welat ji terorê rizgar kirin.

Fermandar Ebdilrehman soza şopandina rêyan şehîdan da.

Her wiha endama Meclisa Malbatên Şehîdan Semer El-Casim wiha got: "Şehîd stêrkên ku rêya gelan ronî dikin û gotin têra lehengiya wan nake."

Bi navê Rêveberiya Sivîl a Demokratîk a Minbicê û gundewarên wê serokê Komîteya Karûbarên Olî Elî El-Cemîlî axivî û îşaret bi rola şervanan di parastina ewlehî û aştiya welat de kir.

Elî wiha got: "Em hêza xwe ji şehîdan digrin û jiyaneke hevpar û birûmet dijîn."

Piştî dawîbûna axaftinan, endama Meclisa Malbatên Şehîdan Henadî Mihemed nasnameya şehîd xwend û radestî malbata wê kir.

Cenazeyê şehîd Besam di nav tilîliyên dayîkan de li goristana şehîdan hate veşartin

 (jo)

ANHA


Mijarên Din