Şêniyên Qamişlo sersaxî ji malbatê şehîdan re xwest

Bi sedan şêniyên bajarê Qamişlo îro sersaxî ji malbatên şehîdên Hêzên Ewlekariya Hundirîn Ebas Ebas û Ridwan El-Hemîdî re xwest.

Ebas Ebas û Ridwan El-Hemîdî, li gundê Digurê yê Tirbespiyê, di 12`ê Çileyê de di encamê bombebarana balafireke bêmirov a dewletan Tirk a dagirker de şehîd bûn.

Konê sersaxiyê li rex Goristana Şehîd Delîl Sarûxan hatibû vedan û kon bi wêneyên şehîdan û alên QSD, YPJ û YPG`ê hatibû xemilandin.

Di merasîma sersaxiyê de endamê Meclisa Malbatên Şehîdan Ebd Elezîz Osman axivî û sersaxî ji malbatên şehîdan re xwest û got: "Şehîd ew in ku canê xwe fidayî axa xwe kirin, ew in ên ku parastina şeref û namûsa xwe kirin." û soza şopandina rêya şehîdan da.

Konê sersaxiyê dê hetanî şevê berdewam bike.

(ekîb)

ANHA


Mijarên Din