Şêniyên Şedadê cenazeyê şehîd Yasir spart axê

Bi dehan şêniyên navçeya Şedadê cenazeyê şehîdê Hêzên Erka Xweparastinê Yasir Abdulqadir li goristana Şehîdan a Şedadê oxir kir.

Şêniyan cenazeyê şehîd Yasir Abdulqadêr ê ku duh dema li ser erka xwe li bajarê Dêrazorê şehîd bûbû, ji navenda Meclisa Malbatên Şehîdan a Şedadê wergirt û bi karwanekî ji dehan erebeyan berê xwe da goristana Şehîdan a Şedadê.

Piştî şênî gihaşt goristanê, merasîm bi deqeyeke rêzgirtina leşkerî ji hêla şervanên Erka Xweparastinê ve dest pê kir. Dûre hevseroka Meclisa Malbatên Şehîdan a Şedadê Ayat Ibrahîm axivî û sersaxî ji malbata şehîd re xwest.

Ayat teqez kir ku bi saya şehîdan li herêmên Bakur û Rojhilatê Sûriyê destkeftiyên bêhempa hatin bidestxistin. Ji bo jiyana azad û rûmet ji tevahiya gelên herêmê re pêk bînin teror tune kir.

Piştî wê endama Meclisa Malbatên Şehîdan Zehra Mihemed wesîqeya şahdeta şehîd Yasir xwend û radestî malbata wî kir. Girseya gel şehîd li goristana Şehîdan a Şedadê di nava tilîliyên dayikan de spart axê.

(fr)

ANHA


Mijarên Din