​​​​​​​Şêniyên Şedadê: Divê civaka navdewletî çeteyên Tirkiyê bixin lîsteya terorê

Şêniyên navçeya Şedadê bang li civaka navdewletî û Konseya Ewlekariyê kirin ku dagirkeriya Tirk û çeteyên wê bixin lîsteya terorê.

Nerazîbûna gelê herêmên Bakur û Rojhilatê Sûriyê ji sûcên artêşa Tirk a dagirker û çeteyên wê didome û banga xistina dagirkerî û çeteyên wê ya lîsteya terorê zêde dibe.

Şêniyê bi navê Ela El-Elî yê ji taxa Bakur a navçeya Şedadê êriş û kiryarên çeteyên Tirkiyê yên li Serêkaniyê, Bab, Cerablus û hemû herêmên Bakurê Sûriyê yên dagirkirî şermezar kir û got: “Komên ku li gel Tirkiyê şer dikin terorîst in, bermahiyên DAIŞ û Cebhet El-Nusra ne. Daxwaza me ji Konseya Ewlekariyê ew e ku hêzên li rex dagirkeriya Tirk şer dikin wekî "hêzên terorîst" bidin naskirin. Sûcên şer dikin û çekên qedexekirî bi kar tînin.”

Şêniya bi navê Emîra Tiwêc got: “Kiryarên ku komên çete li Bakur û Rojhilatê Sûriyê pêk tînin, delîlê vegera DAIŞ'ê ye lê bi naveke nû û di bin sîwana Tirkiyê de.”

Emîna komkujî û sûcên ku dagirkeriya Tirk û çeteyên wê li dijî jin û zarokan û wêrankirina deverên giştî pêk tînin piştrast dike ku ew terorîst in û bang li Konseya Ewlekariyê û civaka navdewletî dikin dagirkerî û çeteyên Tirkiyê bixin lîsteya terorê.

Herdu şêniyan anîn ziman ku şêniyên Bakur û Rojhilatê Sûriyê wê nehêlin dagirkerî li herêmên wan bimînin û dê wan ji herêmên derxînin. Her wiha piştgiriya pêkhateyan a bi QSD'ê re destnîşan kirin.

ANHA


Mijarên Din