Şêniyên Serêkaniyê û Dirbêsiyê şehîd Diyar oxir kirin

Şêniyên navçeyên Dirbêsiyê û Serêkaniyê cenazeyê şehîd Diyar Serêkaniyê (Ehmed Îsa) şervanê YPG’ê ku di erka xwe ya leşkerî de şehîd bûbû, li Goristana Şehîd Ristem Cûdî ya gundê Berkevirê spartin axê.

Merasîm bi deqeyekê rêzgirtinê û toraneke leşkerî dest pê kir. Piştre bi navê Meclisa Malbatên Şehîdan a navçeya Serêkaniyê Beyar Emîn û bi navê YPG’ê fermandar Îmad Serêkaniyê axivîn.

Axêveran sersaxiya malbata şehîd re xwestin,  rola şehîdan di serxistin û destkeftiyên ku li Bakur û Rojhilatê Sûriyê de hatine bidestxistin, bi bîr xistin.

Axêveran gefên Tirkiyê yên li ser herêmên Bakur û Rojhilatê Sûriyê şermezar kirin û tekez kir ku pêkhateyên herêmê çawa li dijî DAIŞ’ê hevgirtin û têk bir, dê li hember êrîş û gefan jî bisekinin.

Ji aliyê xwe ve jî Sofî Îsa apê şehîd Diyar Serêkaniyê bi navê malbatê soza şopandina rêça şehîd Diyar û tevahî hevrêyên wê yên ku di oxira pêkanîna aştiya gelên herêmê de şehîd bûne, da.

Merasîm bi xwendina wesîqeya şehadetê û radestkirina ji malbatê re bi dawî bû. Piştre di nava tilîliyên dayikan de şehîd hat veşartin.

(fr)

ANHA


Mijarên Din