Şêniyên Tebqayê sersaxî ji malbata şehîd Ebo Qasim re xwest

Bi sedan şêniyên herêma Tebqayê û gundewarên wê sersaxî ji malbata şehîd Yasîn El-Elî (Ebo Qasim) yê şervanê QSD`ê re xwest.

Şêniyên Tebqayê, gelek şervan, endamên rêveberiya Meclisa Leşkerî ya Tebqayê, hêzên Ewlehiya Hundirîn, meclisên jinan, gelek nûnerên komîteyan û saziyên Rêveberiya Sivîl a Demokratîk a Herêma Tebqayê berê xwe da gundê El-Fetîh li bakurê rojhilatê Tebqayê û sersaxî ji malbata şehîd re xwest.

Li konê sersaxiyê endamê rêveberiya Meclisa Leşkerî ya Tebqayê Omer Ismayîl axivî û sersaxî ji malbata şehîd re xwest û wiha got: "Tiştê ku îro şêniyên pêkhateyên Bakur û Rojhilatê Sûriyê ji Kurd, Ereb û Suryan pêşkêş kirin, ziman nikare li pêşiya vê lehengiyê ciwanên ku canê xwe feda kirin, îfade bike."

Omer wiha got: "Em wek hêzên QSD`ê ku hêzekî ji civakê nayên qut kirin, ji gelê xwe re dibêjin ku em tu carî gavekê paşve nakişin û em ê parastina herêmên xwe bikin, her wiha em herêmên xwe yên ku artêşa Tirk a dagirker dagir kir, jibîr nakin, ew mijarekî demê û dê di dawiyê de maf vegere xwediyên wê."

Şehîd Yasîn El-Elî (Ebo Qasim) dema ku li herêma El-Selhîbat a Reqayê bi erka xwe radibû, şehîd bû.


Mijarên Din