Spûtnîk: Tirkiye bi moşekên Tao û Cornet destekê dide terorîstan

Ajansa Spûtnîkê ya Rûsyayê got Tirkiye moşekên Tao û Cornet dane terorîstên li bakurê rojavayê Sûriyê û tekez kir ku balafireke Sukhoi hate hedefgirtin, lê pîlot xwe ji moşekekê xelas kir.

Ajansa Spûtnîkê ya Rûsyayê ragihand ku terorîstên li Idlibê bi moşekan balafira Sukhoi kir hedefa xwe.

Nûçegihanê ajansê wiha got: "Piştgiriya Tirkiyê ji komên çekdar re, di demên dawîn de êdî diçe aliyekî din, ew bi moşekên Tao û Cornet û çekên li dijî balafiran desteka wan tê kirin."

Ajansê tekez kir ku beriya çend rojan Heyet Tehrîr El-Şam a terorîst dema balafira Sukhoi ya şer di ser asîmanê gundewarên Hemayê re diçû, kir hedefa xwe, lê ji ber zanabûna pîlot, dikaribû bê zirar dakeve xwarê.

Çeteyên Heyet Tehrîr El-Şam (Cebhet El-Nusra ya berê) di 7`ê Hezîrana 2019’an de ragihand ku wan balafireke şer a rejîmê li eniyên gundewarên bakurê Hemayê aniye xwarê, di dîmenên ku belav kiribûn de, ketina balafirê xuya dikir.


Mijarên Din