Têkoşer Zîlan li Helebê hate bibîranîn

Têkoşer Zeyneb Kinacî (Zîlan) di salvegera 23‘an a şehadeta xwe de li taxa Şêxmeqsûdê ya Helebê hate bibîranîn.

30‘yê Hezîranê salvegera 23‘an a şehadeta têkoşer Zeyneb Kinacî (Zîlan) ye a ku li Dêrsimê çalakiyek li dijî dagirkeriya Tirk pêk anî.

Bi vê wesîleyê, Rêxistina Kongreya Star a taxa Şêxmeqsûd a Helebê civînek li hola Efrînê li dar xist. Bi dehan kes beşdarî civînê bûn.

Civîn bi deqeya rêzgirtin dest pê kir. Paşê Rêvebera Kongreya Star Hêvîn Silêman peyama têkoşer Zîlan a beriya şehadeta xwe nivîsîbû xwend.

Piştre, Rêvebera Kongreya Star Zelal Xebat axivî û got:"Xeta çalakiyên fedayî heta roja me ya îro berdewam e ku çirûska wê em gihandin Berxwenda Serdemê. Têkoşer Avesta Xabûr da ser şopa Zîlan û li hemberî teslîmkariyê çalakiya fedayî li dijî dijmin pêk anî."

Zelal Xebat anî ziman ku Zîlan bi çalakiya xwe hemû bendên ku jin biçûk dixist şikand û got, têkoşer Zîlan nimuna rastiya jina berxwedêr e.

Piştî axaftinan, koman şano ya girêdayî navenda Çand û Hunerê şanoyek bi navê "Şehîd Zîlan"pêşkêş kir.

Civîn bi stranên şoreşgerî ji aliyê Tevgera Kevana Zêrîn a taxa Şêxmeqsûdê bi dawî bû.

ANHA


Mijarên Din