Tîma Şaredariyê di turnuveya Cejnên Biharê de bû şampyon

Îro tîma Şaredariyê di turnuvaya futbolê ya ku Tevgera Ciwanên Şoreşger a Sûriyê li bajarê Helebê li dar xistiye de, bû şampyon.

Tevgera Ciwanên Şoreşger a Sûriyê di 3`ê Nîsanê de turnuvaya Cejnên Biharê (Newroz) organize kiribû. 8 tîmên ciwanan ên Helebê beşdarî tunuvaya bûn. Turnuva li stada Şiqeyf tê kirin.

Piştî maçek bi coş tîma Şaredariyê bi encama 5-1 li hemberî tîma Ciwanan biserkek û bû şampyonê turnuvayê.

Di merasîma xelatkirinê de endamê rêveber ê Tevgera Ciwanên Şoreşger ê Sûriyê Tolhildan Zerdeşt axivî û turnova li tevahiya tîmên beşdar bûn, pîroz kir. Tolhildan tekez kir ku werzîş rolek sereke di xurtkirina giyana hevkarî û hevpariyê de dilîze.

Tolhildan Zerdeşt wiha domand: "Dema lîstok dirust be, cudahî tune ye ku kî bi serdikeve. Ya girîng gihaştina giyana giştî û exlaqên hevkariya giştî  ye."

Piştre rahêner (miderib) û endamên rêveber ên Tevgera Ciwanên Şoreşger madalyo li lîstokvanên herî baş, lîstokvanê turnuvayê, golkerê turnuvayê û endamên her du tîman belav kirin. Her wiha nûçegihanên ajansa me û Televizyona Ronahî ji bo şopandina turnuvayê hatin xelatkirin.

Turnuvaya `Cejnên Biharê` bi xelatkirina Tîma Şaredariyê bi dawî bû.

Tîma Şaredariyê beriya çend mehan ji destpêkirina turnuvayê ve hatiye avakirin, tevî wê jî karî şampiyniyê bi dest bixe.

(şx)

ANHA


Mijarên Din