Trump ragihand ku bi Çînê re dest bi dan û standinên bazirganiyê kiriye

Serokê Amerîkayê Donald Trump got dê DYA di demeke pir nêz de dan û standinên bazirganiyê bi Çînê re dest pê bike, tevî ku di rojên dawîn de di navbera her du hêzên aborî li cîhanê nakokî zêdetir bûn.

AFP`ê ragihand ku Trump li Lûtkeya G7 a li bajarê Biarritz ê Fransa got: "Duh ez bi çîniyan re axivîm û min got werin em li maseya dan û standinan vegerin."

Trump wiha domand: "Pir nêzîk em ê ji nû ve dest bi dan û standinan bikin. Ez texmîn dikim ku em ê bigihîjin hevpeymanekê."

Trump got "Me du xeber girtin, pir baş in" û her wiha teqez kir ku çînî dixwazin bigihîjin hevpeymanekê û destnîşan kir ku yek ji sedemên ku serokê Çînê Shi Jinping bibe berpirsyarekî mezin ew e ku dizane çawa kar bimeşîne.

Trump dibîne ku hevpeyman pir baş e ji çîniyan û DYA`yê re û pir baş e ji bo cîhanê.

Her wiha 2 muzakerevanên çînî amadekariya xwe ji bo dewamkirina dan û standinên bi Washingtonê re anîn ziman da ku bigihîjin hevpeymanek bazirganiyê.

Kovara ‘Kaishin’ a çînî li ser zimanê cîgirê serokwezîrê Çînê Leo Hee ragihand ku ew amade ne hêdî hêdî bi dan û standin û hevkariyê pirsgirêkê çareser bikin.

(jo)


Mijarên Din