Xelatên pêşbirka Şehîd Viyan Amara hatin belavkirin

Yekitiya Rewşenbîran a Kobanê kesên ku di pêşbirga Şehîd Viyan Amara de bi ser ketin, xelat kirin.

Pêşbirka Şehîd Viyan Amara di 7`ê Hezîranê de destpêkiribû û îro bi şahiyekê xelatên wê hatin belavkirin.

Şahiya belavkirina xelatan li Navenda Baqî Xido ya Çand û Hunerê ya li Kobanê hate lidarxistin.

Di şahiyê de hevseroka Yekitiya Rewşenbîran a Kobanê Leyla Ebdo axivî û şehîd Viyan Amara û rola wê di vejandin û belavkirina zimanê Kurdî de bi bîr anî.

Piştre parêzer Ferhad Baqir axivî û rola şehîd Viyan Amara di warê perwerdeyê de destnîşan kir. Di şahiyê de hunermend Stêrvan Bozan stran gotin.

Paşê endamên rêveber ên Yekitiya Rewşenbîran Leyla Ebdo, Selah Muslim, Şêrîn Şêxo û Hisên Mihemed diyarî li kesên ku bi serketine belav kirin.

Navên kesên serkeftî wiha ne: Lîlav Îsa, Xalîsa, Hesen Mihemed Misto, Zîlan Hemo, Evîn Teyfûr, Izet Hebeş, Setam Abdullah, Zozan Bozan, Fatme Baz, Necla Bozan û Nesrîn El-Elî.

Şehîd Viyan Amara ji avakerên saziya zimanê Kurdî ya li Kobanê ye. Piştî êrişên Cebheta El-Nusra û komên çeteyên din li dijî Kobanê di 2013`an de, Viyan tev li Yekîneyên Parastina Jin bû û li gundê Kendal ê li gundewarê Girê Spî di 25`ê Tîrmehê de şehîd bû.

(şx)

ANHA


Mijarên Din