Xelkên Şedadê li dijî dagirkeriya dewleta Tirk meşiyan

Şêniyên navçeya Şedadê û gundewarên wê daketin qadan, êrişên artêşa Tirk a dagirker ên li ser Bakur û Rojhilatê Sûriyê şermezar kirin û piştgiriya xwe ji QSD`ê re nîşan dan.

Bi sedan şêniyên navçeya Şedadê ya kantona Hesekê bi meşekê êrişên artêşa dewleta Tirk a dagirker û çeteyên wê yên li ser herêmên Bakur û Rojhilatê Sûriyê şermezar kirin. Şêniyan bêdengiya civaka navdewletî ya wek hevkarên êrişên dewleta Tirk tê binavkirin.

Xwepêşandan ji pêşiya avahiya Meclisa Navçeya Şedadê dest pê kir û di kolanên sereke re meşiyan. Girseya gel siloganên silavkirina berxwedana QSD`ê û dilsoziya bi şehîdan re berz dikirin û pankartên bi nivîsên `` Em dest ji xaka xwe û azadiya xwe bernadin`` vekiribûn.

Xwepêşandan li pêşiya qada Cebesê ya navenda navçeyê rawestî, piştî deqeyeke rêzgirtinê serokê Meclهsa Rûspiyên Şedadê, Silêman Derwêş axivî û destnîşûan kir ku elên Erebî di piştgiriya xwe ya ji QSD`ê re berdewam e.

Ji rêvebirên Kongreya Star a Şedadê Emîre El-Seid da zanîn ku`` artêşa dewleta Tirk a dagirker der heqê sivîlên herêmê de sûcan pêk tîne, divê dewletên gerantor li hemberî van sûcan berpirsyaretiya xwe pêk bînin.``

Emîre El-Seid tekez kir ku êrişên dagirkerî yên dewleta Tirk ên li ser herêmên Bakur û Rojhilatê Sûriyê, şaneyên veşartî yên DAIŞ`ê çalak û zindî dikin.

(rr)

ANHA


Mijarên Din