Yekemîn ciwanê êzidî radestî Mala Êzidiyan bû

Hêzên Sûriya Demokratîk ciwanekî êzidî ku di 2014`an de çeteyên DAIŞ`ê ew revandibû, piştî bergiriyan radestî Mala Êzidiyan a li herêma Cizîrê kir.

Piştî ku Hêzên Sûriya Demokratîk (QSD) di pêngava têkbirina DAIŞ`ê de êzidî ji çeteyên DAIŞ`ê rizgar kirin, ciwanê êzidî Dawid Cerdo Xelef (19) ku di sala 2014`an de ji aliyê çeteyên DAIŞ`ê ve hatibû revandin, radestî Mala Êzidiyan a li herêma Cizîrê kir.

QSD`ê bergiriyên pêwîst girtin û ciwan hate radestkirin.

Dawid Cerdo Xelef ji ajansa me re axivî û diyar kir ku çeteyên DAIŞ`ê  dema 2014`an êrîşî Şengalê kir tevî malbatê revandin, her wiha ew li dijî hêzên Iraqê û QSD`ê perwerde kirin.

Xelef tekez kir ku ji neçarî beşdarî 3 şeran bûye, her wiha gel caran hewl daye bireve, lê bi ser neket û di pêngava têkbirina DAIŞ’ê de xwe radestî QSD’ê kir. Xelef got ew ê li Şengalê vegere, hewldana dîtina malbata xwe bike û jiyana xwe ya normal derbas bike.

Têkildarî mijarê endamekî Mala Êzidiyan a li herêma Cizîrê Mehmûd Reşo tekez kir ku heta niha zêdetirî 260 êzidî ji çeteyên DAIŞ`ê hatine rizgarkirin, di nav de jin û zarok hene û Xelef yekemîn ciwan e.

Mehmûd Reşo di dawiya axaftina xwe de tekez kir ku ew li ser gihandina Xelef ji malbata wî ya li Şengalê dixebitin.

(eh)

ANHA 


Mijarên Din